ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អង្គរក្សឯកជន៤នាក់ដែលមកធាក់ម៉ូតូអ្នកដំណើរតាមផ្លូវកាលពីម្សិលមិញចេញមុខមកសុំទោសជាសាធារណៈ

  • ចុះផ្សាយថ្ងៃទី១៣ ខែកក្កដា ឆ្នាំ២០២៣ ម៉ោង ២០:២១ នាទី ដោយ Thona
  • 2280
  Aa |   aA

ភ្នំពេញ៖ បុរសចំនួន ៤នាក់ដែលអះអាងថាជាអង្គរក្សឯកជនដែលបានធាក់ម៉ូតូអ្នកដំណើរមួយគ្រឿងបណ្តាលឱ្យដួលអំឡុងពេលដែលពួកខ្លួនកំពុងតែជិះម៉ូតូតាមពីក្រោយឱ្យទាន់នឹងរថយន្តមេមួយគ្រឿងកាលពីថ្ងៃទី១២ ខែកក្កដា ដែលត្រូវបានមហាជនរិះគន់តាមហ្វេសប៊ុក ឥឡូវនេះបានចេញមុខមកសុំទោសជាសាធារណៈនៅស្នងការដ្ឋាននគរបាលជាតិរាជធានីភ្នំពេញហើយ។  

អ្នកនាំពាក្យស្នងការដ្ឋាននគរបាលរាជធានីភ្នំពេញ លោកវរសេនីយ៍ឯក សាន សុខសីហា បានបញ្ជាក់ប្រាប់ EAC ឱ្យដឹងថា នៅថ្ងៃព្រហស្បតិ៍ ទី១៣ ខែកក្កដានេះអាជ្ញាធរបានកោះហៅឱ្យបុរសទាំង៤នាក់នោះមកស្នងការដ្ឋាននគរបាលរាជធានីភ្នំពេញដើម្បីបំភ្លឺ និងសុំទោសជាសាធារណៈ។

លោកបានប្រាប់ដូច្នេះថា៖ «ស្នងការដ្ឋាននគរបាលរាជធានីភ្នំពេញក៏បានធ្វើការសួរនាំ ហើយបុរសទាំង៤នាក់នោះក៏បានឆ្លើយសារភាពកំហុស និងសុំទោសជាសាធារណៈ ហើយបុរសទាំង៤នាក់នោះក៏មានបំណងចង់ជួបបងប្រុសដែលបុរសទាំង៤នាក់នោះបានឆាក់ម៉ូតូគាត់ឱ្យដួល ដើម្បីធ្វើការសុំទោសគាត់ផ្ទាល់ផងដែរ»។ 

កាលពីម្សិលមិញ អ្នកលេងបណ្តោញសង្គមហ្វេសប៊ុកបាននាំគ្នាចែករំលែក និងរិះគន់ចំពោះទង្វើដែលមិនសមរម្យ និងគ្មានសីលធម៌ក្នុងខ្លួន។ ក្នុងនោះលោក ផែង វណ្ណៈ ក៏បានបញ្ចេញមតិផងដែរ ដោយថាទង្វើបែបនេះមិនត្រឹមតែគេដៀលដល់ខ្លួននោះទេ គឺដៀលដោយទាំងចៅហ្វាយផងដែរ ខណៈផ្លូវនីមួយៗគឺជាកម្មសិទ្ធិរបស់ពលរដ្ឋគ្រប់ៗគ្នាពោលគ្មានកម្មសិទ្ធិរបស់បុគ្គលណាម្នាក់ឡើយ។ លោកក៏បានអំពាវនាវដល់ចៅហ្វាយនីមួយៗជួយណែនាំកូនចៅឱ្យគោរពក្រមសីលធម៌ឱ្យបានល្អ៕ 


ព័ត៌មានជាច្រើនទៀតសម្រាប់អ្នក